Pidato Perpisahan (Basa Sunda)

PIDATO PERPISAHAN BAHASA SUNDA

Bapa guru nu ku simkuring dipihormat, sarta rerencangan – rerencangan nu ku simkuring di pikadeudeuh.

Assalamualaikum Warohmatullahi Wabarokatuh

Tipayun mangga urang sami-sami panjatkeun puji sareng syukur ka hadirat Allah SWT. Nu mana dina kasempatan ieu urang sadaya tiasa ngumpul dina kaayaan sehat wal’afiat.

Hadirin sadaya anu kusimkuring dipihormat, nuhunkeun waktosna kanggo abdi anu ngawakilan rerencangan sadaya dina raraga acara pipisahan kelas genep.

Rerencangan – rerencangan, urang sadar yen waktos teu tiasa di puter balik. Ku margi eta rasa penyesalan sawaktu di SD kirang giat diajar, pangna hayu urang lereskeun eta rasa penyesalan sabot urang di SMP. Hayu urang emut sarta terapkeun nasehat bapa sareng ibu guru sarta sepuh urang.

Abdi ngawakilan rerencangan ngahaturkeun rewu nuhun laksaketi kabingahan ka bapa sareng ibu guru anu mana tos ngajarkeun seeur hal.

Abdi ngawakilan rerencangan – rerencangan kelas VI hoyong nepikeun talatah kanggo adi – adi sadaya, teu aya kasuksesan tanpa perjuangan, teu aya perjuangan tanpa pangorbanan sarta teu aya pangorbanan tanpa kaikhlasan. Urang yakin, di poe kahareupnakeun bade anjog oge waktuna adi – adi ngahontal kalulusan. Koncina ngan getol diajar sarta tong hilap ngadu’a.

Teu hilap simkuring anu ngawakilan rerencangan sadaya bade nyuhunkeun dihapunten ka bapa miwah ibu tina sadaya kalepatan – kalepatan,
simkuring sareng sadaya rerencangan rumaos seueur kalepetan anu ngajengkelkeun ka ibu miwah bapa .

Sakumaha oge abotna, saban aya pasamoan tangtos aya pipisahan. Pileuleuyan rerencangan – rerencangan sakelas, pileuleuyan Bapa Ibu guru.

Sakitu ti abdi anu ngawakilan rerencangan sadaya. Nyungken hapunten bilih aya kalepatan .

Wassalamualaikum Warohmatullahi Wabarokatuh